ຫຼາຍໆຄົນທີ່ກຳລັງຄິດຢາກເຮັດທຸລະກິດເປັນຂອງຕົວເອງ ກຳລັງຈະອອກຈາກງານປະຈຳ ຕົກງານ ຫຼື ຢາກຫາຫຍັງຂາຍເພື່ອເພີ່ມລາຍໄດ້ ແຕ່ຍັງຄິດບໍ່ອອກວ່າຈະລົງທຶນເປີດຮ້ານຫຍັງດີ
ມື້ນີ້ Kokkok PAY ມີໄອເດຍເປີດຮ້ານໄດ້ດ້ວຍງົບ 1.000.000 ກີບ ມາຝາກກັນ
![ມີງົບ 1.000.000 ກີບລົງທຶນເປີດຮ້ານອາຫານແບບໃດດີ?](https://kokkokpay.com/wp-content/uploads/2023/04/kokkok-pay-investment-business-food-shop.jpg)
1. ຮ້ານຂາຍຈືນລູກຊີ້ນ ຫຼື ປີ້ງລູກຊີ້ນ
ການລົງທຶນເປີດຮ້ານຂາຍຈືນລູກຊີ້ນ ຫຼື ປີ້ງລູກຊີ້ນ ອຸປະກອນກໍ່ອາດຈະເລີ່ມຈາກໝໍ້ທອດຢູ່ໃນເຮືອນ ຫຼື ເຕົາຖ່ານ ກຽມໂຕະ, ກຽມປ້າຍບອກລາຄາ ແລະ ຖົງພາສຕິກໃສ່ລູກຊີ້ນ ພ້ອມກັບຜັກສົດ ຖ້າທຳເລດີກໍ່ອາດໄດ້ລາຍຮັບເປັນງານປະຈຳໄດ້ເລີຍ ຢ່າງໃດກໍ່ດີ ຕ້ອງຄວບຄຸມຄຸນະພາບຂອງລູກຊີ້ນໃຫ້ດີ ຢ່າໃຫ້ລູກຊີ້ນເນົ່າເສຍ ຫຼື ບູດ ເພາະອາດຈະເຮັດໃຫ້ເຮົາຂາດທຶນ ແລະ ເສຍລູກຄ້າໄດ້
ທຳເລທອງ:ໜ້າໂຮງຮຽນ/ຕະຫຼາດນັດ
2. ຮ້ານເຂົ້າໄຂ່ຈຽວ
ຮ້ານເຂົ້າໄຂ່ຈຽວລົງທຶນບໍ່ຍາກ ໂຕະ 1 ໜ່ວຍ, ເຕົາແກັດ, ຈານໂຟມ, ສ້ອມ ແລະ ບ່ວງພາສຕິກ ສ່ວນປະສົມຂອງໄຂ່ຈຽວມີຄື: ໝູສັບ, ປູອັດ, ໝູຍໍ, ຜັກ, ໄກ່ສັບ ແລະ ອື່ນໆ ເຊິ່ງເຮົາອາດບໍ່ຕ້ອງມີເຄື່ອງຄຽງຫຼາຍໃນຊ່ວງເປີດຮ້ານໃໝ່ໆ ແຕ່ຕ້ອງມີພະເອກຂອງທຸລະກິດນີ້ເຊັ່ນ: ໄຂ່ ແລະ ເຂົ້າ ຂາຍໃນລາຄາບໍ່ແພງຫຼາຍ ຖ້າຂາຍໄດ້ຈຳນວນຫຼາຍກໍ່ສາມາດມີກຳໄລໄດ້ບໍ່ຍາກ
ທຳເລທອງ: ໜ້າຫໍພັກ/ສຳນັກງານຫ້ອງການ/ຕະຫຼາດ
3. ຮ້ານຂາຍແຊນວິດ
ຖ້າມີເງິນ 1.000.000 ກີບ ເຮົາອາດເປີດຮ້ານຂາຍແຊນວິດງ່າຍໆໄດ້ ບໍ່ຕ້ອງມີວັດຖຸດິບຫຍຸ້ງຍາກ ເປັນແຊນວິດພື້ນຖານເຮັດງ່າຍ ຂາຍບໍ່ແພງ ໃນຍຸກນີ້ຄົນສ່ວນໃຫຍ່ເນັ້ນສິນຄ້າລາຄາຖືກ ກິນອີ່ມທ້ອງ ຖ້າມີທຳເລດີກໍ່ສາມາດຂາຍໄດ້ແນ່ນອນແລະ ເມື່ອມີທຶນຫຼາຍຂຶ້ນອາດພັດທະນາເມນູໃຫ້ໜ້າສົນໃຈຫຼາຍຂຶ້ນ ຫຼື ອາດເຮັດຂາຍຊ່ອງທາງອອນລາຍຮ່ວມດ້ວຍກໍ່ໄດ້ເຊັ່ນກັນ
ທຳເລທອງ:ໜ້າໂຮງຮຽນ/ສຳນັກງານຫ້ອງການ
4. ຂາຍນ້ຳໝາກໄມ້
ເຄື່ອງດື່ມຂາຍງ່າຍ ລົງທຶນໜ້ອຍ ແລະ ໄດ້ກຳໄລດີ ລົງທຶນຊື້ໝາກໄມ້ສົດ, ຫົວເຊື້ອແຕ່ງກິ່ນ, ນ້ຳເຊື່ອມ, ນ້ຳຕານ, ເກືອ, ຈອກ, ທໍ່ດູດ, ນ້ຳກ້ອນ ແລະ ອື່ນໆ ເຊິ່ງທີ່ເວົ້າມານີ້ແມ່ນເມນູນ້ຳໝາກໄມ້ ຂາຍໄດ້ທຸກກຸ່ມທຸກເພດທຸກໄວ ຖດຍສະເພາະລະດູຮ້ອນຍິ່ງໄດ້ຂາຍດີເປັນ 2 ເທົ່າ ໂດຍມືໃໝ່ຫັດຂາຍບໍ່ຕ້ອງໃຊ້ຄວາມສາມາດຫຍັງຫຼາຍ ຂໍພຽງມີສູດທີ່ແນ່ນອນ, ລົດຊາດດີ, ກິນແລ້ວສົດຊື່ນ, ຢູ່ທຳເລຕະຫຼາດນັດທີ່ມີຄົນຫຼາຍ ແລະ ຫາກເຈົ້າເປັນເຈົ້າຂອງທຸລະກິດເຈົ້າທຳອິດ ຫຼື ເປັນເຈົ້າດຽວໃນຕະຫຼາດນັ້ນ ຖືວ່າເປັນໂອກາດທອງ
ທຳເລທອງ: ສຳນັກງານຫ້ອງການ/ຕະຫຼາດ
**ການລົງທຶນທຸກຢ່າງມີຄວາມສ່ຽງ ຢ່າລືມປະເມີນຄວາມສ່ຽງກ່ອນລົງທຶນ ເງິນລົງທຶນທີ່ມີພຽງແຕ່ 1.000.000 ກີບ ອາດຈະເບິ່ງບໍ່ຫຼາຍ ແຕ່ຖ້າຫາກເຈົ້າຮູ້ຈັກລົງທຶນທຸລະກິດຢ່າງຖືກຕ້ອງ ກໍ່ສາມາດປະສົບຜົນສຳເລັດຈາກທຸລະກິດນ້ອຍໆໄດ້ ຫຼື ອາດຈະເປັນທຸລະກິດໃຫຍ່ໃນອະນາຄົດໄດ້ເຊັ່ນກັນ
——————————-
#KokkokPAY #ມີງົບໜຶ່ງລ້ານກີບ #ມີງົບໜຶ່ງລ້ານກີບລົງທຶນຫຍັງດີ #ໄອເດຍລົງທຶນດ້ວຍງົບໜຶ່ງລ້ານກີບ
ສາມາດດາວໂຫຼດ ແອັບ Kokkok PAYໄດ້ແລ້ວທີ່:
The Kokkok PAY app is now available for download at:
App store
https://apps.apple.com/th/app/kokkok-pay/id6444021257
Google Play store
https://play.google.com/store/apps/details
Facebook : https://www.facebook.com/kokkokpay
Tiktok : https://www.tiktok.com/@kokkokpay?is_from_webapp=1&sender_device=pc